„Við höfum verið með verkefni sem við hrundum af stað í samkomubanninu sem ber heitið Kirkjan kemur til fólksins,” segir Pétur G. Markan, samskiptastjóri Biskupsstofu, í samtali við Alltgott.is.

Páskahátíðin er í vændum sem er ein stærsta hátíð í kristni þar sem dauða og upprisu Jesú Krists er minnst. Fyrir marga eru það því mikil viðbrigði að geta ekki farið í kirkju um páskana eða sótt aðrar samkomur.

Meðal þess sem heyrir undir verkefnið Kirkjan kemur til fólksins er:

•         Heimahelgistundir á sunnudögum í streymi á visir.is 
•         Tilveran, þáttur á Hringbraut  um guðfræðileg málefni vonar, birtu, þrenginga og þrautarsigra 
•         Hljóðvarp um menningar og dægurlíf Kirkjunnar
•         Netkirkja.is þar sem hægt að nálgast faglega sálgsæslu allann sólarhringinn
•         Kirkjan til fólksins – ritröð hugvekja í Morgunblaðinu
•         Nýr sunnudagaskóli frumsýndur hvern sunnudag á netinu
•         Bæn dagsins í tölvupósti, skráning hér
•         Biblían á netinu, biblian.is. Biblían á hljóðbók
•         Biblíusögur barna á öllum aldri
•         Kirkjuklukknahljómur og bænastundir í hádeginu í kirkjum landsins

Allar nánari upplýsingar um verkefnið er að finna á sérstakri síðu þar sem einnig er hægt að nálgast dagskrá einstakra sókna sem halda úti metnaðarfullri dagskrá: Kirkjan kemur til fólksins